回憶好好呀，是咪先？
10年前，書局見到一本《香港電影場景介紹(我唔記得名）》
當時，大家都好迷杜Sir 嘅電影。
其中有一場茶記場景，呢到就係「中國冰室」。
舊式裝修、上下層的格局、滿係塵嘅吊扇。
大家記低書上面中國冰室地址...旺角廣東道1077A舖。
「廣東道」咁一定係尖沙咀，當時大家差啲逆走往尖沙咀，但目的地只係旺角對上少少。
第1次，大家決定揀戲內林雪坐嘅位。
第1次一坐就坐咗10年，呢個位我哋稱「會議室」。
10年裡面，中國冰室記錄好多事。
開會傾功課、成立諧星組、
第一次拍片、第一次參加短片比賽得獎、
拍丟你路姆西、拍偷飲人奶茶、
幫團員氹女做前期、同茶記姐姐報喜
係！茶記姐姐同我哋好FD子，10年睇住大家成長。
眾有時散有時，我鐵閘都有匙。
12月31日中冰結業，坦白講無中冰無諧星。
多謝10年裡面同我哋有去過中冰嘅朋友、同學、情人、同事
PS有興趣12月31日，大家一齊去中冰食個最後早餐。
Search